U .Article

1. اترا ھے کیسے آنکھ میں پانی !! بتائیے .
اس چاک گریباں کی کہانی !! بتائیے .

1. اب نامہ بر کے ہاتھ نہ احوال بھیجئیے .
   خود آ کے دل کا حال زبانی !! بتائیے .

2. شاید کہ ذکر رفتگاں سے کچھ سکوں ملے .
   ھم کو بھی داستان پرانی !! بتائیے .

3. کتنے وفور شوق میں بیٹھے ہیں منتظر .
   عہد جنوں کی بات سہانی !! بتائیے .

4. جب آپ نے خوشبوسے تعلق نہیں رکھنا .
   آنگن میں کیوں ھے رات کی رانی !! بتائیے .

5. یہ ھجر کا طویل سفر کیسے کٹے گا .
   کیا دے کے جارھے ہیں نشانی !! بتائیے .

6. لگتا ھے دل پہ چوٹ بڑی گہری پڑی ھے .
   اس واسطے ھے سر میں روانی !! بتائیے .

7. پیرانہ سالی میں تو بہت نیک ھو عاشی .
   کس ڈھنگ سے گزاری ھے جوانی !! بتائیے .

                                                ✍ شیخ عطاالرحمان عاشی 🙏