Kon ikaw higala ang pasultion, tinuod ba ang gina-ingon ‘ayaw pananom anang mga tunokon kay imong kaugmaon masulob.on, kasakit ug luha kuno ang imong maangkon?
Higala ikaw, ako, kitang tanan manag lahi ang gusto, adunay ganahan mananom anang mga lagotmon ug utanon, tanom nga buwakon, mga tanom nga tunokon(cactus) nga ang hitsura murag gi maldisyon ug kanang mga tanom nga humokon nga labungon daw susama sa kendi ang porma ug kolor pa imoha perting nindota.
Kon ako ang pasultihon dili gyud ko uyon anang ilang panultihon. Kay sa atoang tagsatagsa ka kinabuhi dili permanenti ang kalipay adunay kasakit usahay. Sa kinabuhi pag suway moabot ug molabay. Wala man siguro mag depende ang dagan sa imong kinabuhi sa klase sa tanom nga anaa sa imong tugkaran, tunokon o dili man.
Kay kon ako lang adunay dakong hawanan, dili lang kay tunokon ang akong ipananom, hasta tong mga lagotmon ug mga utanon.
Para nako higala, gugma ug kalipay akong bation ug maangkon sa mga tanom nako nga tunokon labi na ug mamuwak dayon unya talagsaon hinimo sa labawng makagagahom.
Higala maayong kinabuhi,. sa akong opinyon murag dili tingali ni basihan ang mga too-too sa katigulangan. Ang mga panghitabo sa atong kinabuhi gadepende gyud ug giunsa nato paghulma.
Parehas nalang sa dili manilhig sa gabie kay ang grasya mogawas. Peru ang mga dato bisag unsang orasa gapanilhig, dato mn gihapon, peru kami pobre gihapon hangtud karon. 😂