Halo mga Ka Blurt,
Kay nakawatan man kami nanghawan ako ug ang akong apong lalaki sa gawas sa koral, siya sa likod ug ako sa atubangan. Una, ako unsang gipabaid ang tanang sundang among gamiton. Kay puerte na gyud libuna sa likod ug atubangan. Akong gi timing na dili na init maayo gani wala mo ulan. Gi sugdan nakog hawan mga alas tres sa hapon. Unang adlaw gigamitan ko rag hait ang gunting. Ubay ubay pod akong nahawan, kay may ipil ipil ra ug mga hagonoy na tanom.
Pag ika duhang adlaw aw ni gamit na kog pang gab na sundan, nag gloves ko ug naa na koy bota. Kay grabe gyud ka tag as ang mga sagbot hangtod gud sa akong hawak.
Hastang katula sa tibuok nakong lawas oy, nasamad pa ko kay hait man diay ning sagbot. Naligo ko pag undang nako. Hapit na kilom kilom. Pag ika tulong adlaw aw taas na akong agi grabeha puerte nakong kapuya akong sinina gud basa na sa singot unya akong gi pundok ra ang mga sagbot sa tunga sa daghan pa kaayong sagbot. Pag sunod adlaw ni pahuway ko kay ni biyahe man us suroy suroy. Pagka sunod adlaw nakita nako na laya na kaayo akong gi pondok nga sagbot akong gi duslitan ug gi biyaan. Nanglaba ko. Sus, mao na lay akong na dungan naglagutok ang kayo unya ni kaylap na. Ni syagit akong bana oy tan awa yong imong gi duslitan. Hala, gi nervous nako, gi syagitan nako ang akong anak ug apo na tabangan ko pag apula sa kayo kay sus light materiala ra baya ang payag sa among silingan mag atbang ba gyud. Ang buhat pod nako gi kuha nako ang hose sa tubig gi pa lusot nako sa fence dayon pasirit sa tubig didto sa kadagan nga kayo. Haist, ni gawas pod akong apo gi bubuan pod ang ubang kayo. Ang mga trabador gud sa dakobg balay nangawas abi kay mo dako gyud ang kayo, Forest fire na gyud!
Pagka apula sa kayo aw na looy ko sa Mangga ug Kamunggay na brown gyud ang dahon.
Naa na may mga tag iya kini tanang lote ang uban tua sa Amerika. Gi ing nan ko sa akong bana ngano kuno akong linisan eh dili man among lote. Ingon ko sagdi na lang nga naghago ko kaysa naay mag hupo hupo unya labi nag inig ka gabii puerteng ngitngita pa gyud so dili namo makita kung naay tao. Ako gyud ni unay ug pang limpyo kay sus ug ako ning ipatrabaho sus kamahal pakyawon nig duha ka libo! Wala sila kuyapi! Akong agi usa ka oras dako na gyud na hawan. Mga tulo gyud ni ka lotehan.
Wala ko na isipa yan kay murag ga exercise ra gud ko, lipay kaayo ko na gi singot ko, ug naka learn kog lesson dili magdagkot nga dili bantayan
Dinhi na lang kutob,
@jurich60
Telegram and Whatsapp