Maayong adlaw ka ninyo na tanan mga higala hinaot na maayo inyong adlaw karon mag luto na sad ko para among panihapon sa tinood lang mga higala dili jud raba ko kabalo kaayo mo luto mga tudto taghap-taghap ra jud ni tanan.
Kay naay may baboy gamay mao na lang ni akong gi luto paresan sad nako ni og carrots, patatas og pork and beans mao rani akong isagul kay mao ramay available diri sa balay naa pud diay sibuyas bombay og ahos para pang gisa.
Ang pag luto ani kay simple ra kaayo imong igisa sa bombay og ahos ang baboy dayon imo gining lat-an hangtod na mo humok ang baboy sa dili pa kaayo mo humok ang baboy imo sa ibutang ang carrots og patatas dayon timplahan nimo kini og gamay na patis asin og paminta para mo suhop ang lasa didto sa babay samtang ng lata paka kung mo humok na gani ang baboy patatas og carrots ibutang dayon ang pork and beans dayon timplahan na sad nimo.
Mao ni ang hitsura kung luto na dili lang kaayo makita ang pork and beans kay isa ka lata raman to gud. Mangaon diay ta ninyo mga higala aning pinataghap na luto. Diri na lang kutob og mga higala og daghang salamat sa pag basa kita kits na pud sa sunod nako na blog inyong higala @aaronplando
