Haloo mga palanggang Blurtians,
Kumusta mong tanan? Nia mo share ko karon sa mga paborito kong prutas. Kanang mag laway gyud ko ba na dili puede dili ko mo palit kung naa lay kuarta.
Una ang Durian!
Makahurot kog bisan duha ka buok ani ba. Ambot lamian kaayo ko niya, bisan baho para sa uban. Bisan unsaon siyag preparar, candy or preserved o ice candy o ice cream nga akong natilawan sa pag bakasyon nakog two months sa Singapore adtong 2015. Pag abot nako sa apartment gi rentahan ng anak ko lipay kaayo ko kay ang stock room sa Durian Store didto ra sa baba, puerteng unaya lagi. Unya nakabalo man akong anak nga paborito naku ang durian ni palit dayon siya unya hahaha nakasuka sila sa baho. Pero ako gilamian pag ayo. Ila dayon gi hipos ug labay sa basurahan sa gawas ang panit sa durian, dayon spray dayon sa apartment. Tawa ra ko ng tawa. Unya kanang karong tuiga pag mag site visit akong anak lalaki sa soil test project, moagi siya sa SRP sa baligyaan ug Durian, Dad an ko inig uli. Unya lingaw kaayo sila mag tan aw nako na maubos ang bunga iyang gi palit. Lamiii gyud kaayo!
Next kong paborito ang Avocado!
Basta ting avocado expect gyud na maoy akong pamahaw, pani udto ug panihapon. Whole day puedeg avovado ray akong kan on. Kanang sagulan nako ug gatas nga powder ug equal sugar sa pagkakaron nga nga low carb diet ko. Pero sa una sagulan ko dayon ug condensada ug ice. Lamawon gyud nako unya butangan pa nako ug biscuit pinohon nako. Sa una bisan bata pa ko yan akong naandan buhaton sa avocado. Unya pag bisita nako sa Australia sa 2005, didto nausab ang style sa pagkaon ug avocado. Na shock ko na lanlanon ra diay ng mga taga didto ang avocado isuwa ug sud an. Murag maoy kan on bale nila. Mao ng nisunod na lang pod ko. Lanlanon ra ang avocado. Sa ice cream paborito ko pod siya labi nag himoon ug ice candy. Makahurot kog bisan 10 ka avocado. Grabeha gyud lagi. Pag wala na gani sa mga merkado ug mga fruit stand, mo adto kami sa Busay didto makakita gyud pa us ug avocado, bisan layo from Carcar City ang Busay.
Next ang Dragon Fruit.
Sa Dragon Fruit, akong ganahan ang deep red variety kaysa puti di ko type. Makaubos gyud kog bisan upat kabuok almost 4 kilos. Kaya lang tungod kay mahal pugong lang gyud. Inig palit nako sure gyud na pagka ugma panit sa dragon fruit among pamahaw. Kay maluto man siya sagulan ug itlog. Mahimo na siyang Scramble Eggs Con Dragon Fruit. Pag adto namo sa Dragon Fruit Farm sa Liloan sus hurot among bilib oy daghan kaayog bunga halos tanang 2k na poste namunga dagko raba kaayo. Unya didto ksmi naka tilaw ug Dragon Fruit Shake ug Dragon Fruit Empanada. Nakatilaw naman kog Dragon Fruit Halo-halo ug ice cream. Lami pod lagi.
Kinsay gusto ug Nangka?
Puerteng lamia pod sa Nangka baya. Bisan dako nga bunga mahurot nako naka suway na gyud ko kadtong gitagaan kami ug hinog sa punoan, nag liki liki gud ug humot kaayo. Nakasuway kog paniodto ug pani hapon puro nangka ray akong gi kaon. Mo inom ra dayon kog 7up para mahilisan. Lami siya isagol sa ice candy, mag luto ug binignit ug halo-halo. Unta kanang bag ong abli nga negosyo or tindahan. Unang abli nimo mag hiwa kag Nangka mokaon diha sa atubangan sa tinda para palihi kay humot lagi ang Nangka dahang moduol.Maoy ipalihi. Mo tuo ba mog palihi? Sunda wala may mawala bitaw ug motuo ta. Unya naa pay lain mo ingon ang uban mga 3yrs usa mamunga ang Nangka since pag tanom. Sayop gyud na. Usa ra ka tuig, naka suway na kami ug tanom naka lista gyud hangtud ni bunga.
Papaya or Kapayas tawag namo.
Sa una wala pa kami tanom na kapayas pagka mahala sa kilo tagdugay kami maka tilaw. Pero karon na may 7 kami ka punoan, grabeha santo sawa kamig kaon sa Kapayas, puerteng tam isa ma balbangaan o hinog lami gyud siya!
Last ang Saging!
Ang saging bisan unsaon pag luto lami ug maka busog gyud. Lung agon, sugbahon or banana cue. Bisan hilaw lung agon inig ka luto suwaan ug ginamos nga naay sili aw paningtln gyud.Pero karon nga nag keto diet ko igo ra ko sa pag tan aw. Kay maka tambok man. Mao nang likay lang muna.
Mao ni mga pinaka paborito kong prutas...ugma puhon paabuton mga prutas gihapon nga akong ganahan. Kamo unsay paborito ninyong prutas?
Dinhi ra kutob salamat sa pag duaw...
@jurich60