Grasya sa Probinsiya

Una sa tanan kumusta mga hitsuraan, gwapo ug gwapa dire sa blurtblog community! Manghinaot ko nga anaa ang tanan sa kapiskay sa panglawas, aron mo sagubang ug makigbatok sa inadlaw adlaw nga mga hagit sa kinabuhi, kay matod pa ginadili gyud intawn magkasakit ron panahona.
Karon bahinan ko kamong tanan pinaagi sa mga hulagway sa mga gasa o grasya nga nadawat gikan sa amihanan og habagatang parte sa Cebu.

Adunay sili atsal, siling kulikot, lemonsito, klase sa saging, avocado ug uban pa. Ginagmay ra tood ni pero nasalbar ang among kwarta para unta ipalit ug sama ani sa tindahan kay perti ka mahal sa panaliton hilabi na nga dia mi sa siyudad sa Sugbo nanimuyo. Sa sinugdanan nag duha duha gyud tawon ko sa pag dawat oy sa mga hinatag. Kay kini lagi maikog ta sa mga tawo nga naghago sa pagdala sa mga prutas ug utanon pun an pa gyud nga adunay mga tawo nga mas labaw pang nanginahanglan, pero matud pas nag dala para amoa gyud diay ning mga gasaha, unya panagsa ra o tagsa ra pod ni mahitabo nga aduna silay dala. Awh kinsa man sab ko nga mubalibad awh nahala biraaa!😃
Mapasalamaton kaayo ko niadtong higayona, tiaw mo wala ug tuo among nadawat nga ayuda. Salamat gyud kaayo sa among pamilya nga anaa sa layong dapit. Piskan gyud dayon mi ug apil sa ilang mga grasya ug kon mo lugsong gani ni sila dire Siyudad sa Sugbo, awh piti, dili gyud na kalimtan nga magdala ug LAMI.
Kanimo blurtian, salamat sa pag basa ug paglabay diring dapita.🥰