Mao ang mga pulong nga gi tali sa akong bolpen.
Kining balak nahimugso ug na mugna
Gikan sa bulawanong pang huna-huna
Iladlad ko tanan para lamang ka ninyo
Di bali na ug maka dawat ug puros insulto.
Dili ko ig sapayan kung inyuha kong kataw-an
Tungod kay akong mga pulong puros kinaraan
Nahimugso man tuod ko sa Hi-Tech nga generasyon
Adunay iMac,iPad,iPhone ug Wi-Fi connection.
Apan walay sama akong pag dayeg sa karaang panahon
Kung diin ang gugma tiunay ug lisod tumpagon
Gi-sukod ang pasensya pinaagi sa pang harana
Gi-sukod ang pagkalalaki pinaagi sa pagpamalayi.
Apan ning bag-ong generasyon lahi na ang sukdanan
Di bali na ug walay pasensya basta baga lang ug pitaka
Di bali na ug walay baruganan basta lang adunahan.
Mao naba kini karon ang dagan sa panahon
Kung wala kay kwarta wala sa’y gugma?
Ang imong ka ambungan wala nalay kwenta
Kay sinsilyo ramn ang sulod sa imong bulsa
Malas mo lang nga nahimugso ka niining generasyona
Kung diin lisod maka kaplag ug tiunay nga gugma
Mao siguro nga ni daghan ang beato ug beata
Tungod sa sumpaki sa kwarta ug gugma.
Amen... matay di mn pud diay ka mo alang-alang boss aning imung mga mautganong mga pulong.
Kani boss kay murag naay kulang.
sumpayan nato.. ug pagpatuli 😂
Nganong usbon gud uroy ng ginama sa ginoo.😂 😂
mao jud boss perti rbang sakita kay pokpok style pa sauna 😂😅
waaah ka balaknon ba oi!😀
bunga ra sa ka gutom madam hahaha