Hi blurt parivaar,
Kaise ho aap sab,
Aasha karti hu sab theek honge, mast honge.
Abhi abhi eid hui hai. Ham eid ke liye hamare gaon aaye hue thy. Mai eid apne sasuraal me hi manati hu. Per mera bhi mann karta hai, mai eid apne,mummy,dada dadi, bhai bahno ke saath manao,per pata nhi kyu aisa riwaj banaya gaya hai ke eid to sasuraal me manani chahiye.
Mujhe lagta hai eid to khushi ka mouka hai, to jiski khushi jaha hai waha kyu nhi manasakte?
Pata nhi..............
Khair..............
Eid ke liye mere pati ne ek hafte ki chutti li hui thi to ham mere sasuraal aaye thy......
Chutti to pati ki thi, bacchon ki thi per meri nhi thi.
Shayad hamare chutti calendar banane wale ne daalna bhul gaya, ya phir sarkaar bhool gayi.......
Pata nhi kon bhoola pet bhugat to ham rahe hai.
Ab aap kahenge jab mayke jaate hai tab aapki chuuti hoti hai, per yeh to bahot badi galat phahemi hai. Mayke jaate hi bacche mere itna satate hai, shararat aur ladai itni karte hai ki basssss...
Aisa lagta hai jaise mayke aakar galti kar di.....
Ab to mera dil aisi jagah jana chaha raha hai jaha koi insaano ki awaz na sunai de, kudrat ke khoobsurat najare ho, kisi kaam ki chinta na ho, na koi fikar.
Per kya ye mumkin hai?
Pata nhi Allah behtar jaanta hai......
Bas kya jo dil me tha aap sab ke saath saajha kardiya.
