Hi blurt parivaar,
Kaise ho aap sab,
Aasha karti hu sab theek honge, badhiya honge, mast honge.
Mayke me bahot saare din bitakar mai ab mere ghar aa chuki hu. Kitne bhi din rahelo mayke me per aisa lagta hi nhi ki sb bas ho gaya, ghar wapas jaye.
Waha saara bacpan bita hua hota hai shayad isliye....
Shayad waha MAA hoti hai isliye......
Shayad waha dada dadi hote hai isliye.......
Shayad wahase khoola aasmaan najar aata ho isliye......
Pata nhi kyu per ghar loutne ka mann tha bhi aur nhi bhi....
Lagta hai mai laut jau to meri maa kitna akela mehsoos karti hogi,
Kissisi baat karegi,
Kiske bacchon per apna pyar lutayegi,
Kiske bacchon ko apne hathon se khana khilayegi,
Kiska bistar banayegi,
Kise pyar se sulayegi............
Pata nhi bura to bahot lagta hai ammi ke liye....
Per ye to dastoor hi hai duniya ka.
Hame apna ghar basane ke liye apni maa ka aangan suna kar jana hi padta hai........
