Hi blurt parivaar,
Kaise hai aap sab,
Aasha karti hu sab theek honge, badhiya honge, mast honge, majeme honge.
Aajka din mera thoda jyada hi kaam bhara raha. Subah beti ko paathshala ke liye tayyar karke, nashta aur tiffin dekhar rawana kiya. Phir pati ke liye nashte me poha banaya. Mere bete ke liye doodh paratha, phir tiffin ke liye paratha aur tamatar ka achaar pack kiya.
Nashta karke baithi hi to soncha safai karlo rasoi ghar ke katte ke neeche wale hisse ki, safai kar hi rahi thi ke paathshala se phone aaya beti ke pet me dard hai aakar le jao. Thoda chinta bhi ho rahi thi.
Baaki dopaher ke liye jawar roti banai. Raat ke khane me pakode wali kadi aur khichdi banai. Namaz ke baad khsna khaya, bacchon ko padhaya- likhaya. Abhi bete ko sula rahi hu, use sulate- sulate apna blurt blog bhi bana rahi ho. Maine banai hui kadi ki tasveerein aapsab ke saath saajha kar rahi hu.
