Hi blurt parivaar,
Kaise ho aap sab,
Aasha karti hu sab theek honge, badhiya honge, mast honge, majeme honge.
Maine kal subah lagane ke liye heena yani mehandi ka pack banaya hai. Sabse paheli baat mujhe baalon me mehandi ki khushbo kafi acchi lagti hai. Aur aisa bhi kehte hain ki mehandi lagane se baalon ka jhadna kam hota hai saath hi baal ghane bhi hote hain.
Waise to mai yeh mehandi baalon ko rangeen karne ke liye lagane wali hu, mujhe laal sunhari basl pasand hai. Artificial rang lagane se behtar hai ke mehandi hi laga li jaye.
Chaliye batati hu aapko mai kaise mehandi pack banati paani me char tsp chai patti aur do long daalkar acchese paka lena hai. Uske baad us paani ko chaankar thanda hone ke liye rakhdena.
Ek katore me jitni jarurat hai utni mehandi, do tsp aamla powder, ek tsp olive oil le . In sabhi cheejon ko acchese patti wale paani se mila le. Saari raat lohe ke katore me bhigne ke liye rakh den.
Subah lagane ke samay isme agar aap chahe to abda bhi daal sakte hain. Bas ho gaya mehandi ka pack tayyar.
