WHO IS REAL .......

Hi blurt family,
Kaise ho aap sab,
Aasha karti hu sab mast honge, badhiya honge.
Aapne kabhi soncha hai ke aapke jeevan me aapka kon apna hai ya paraya, chalo baaton ko gol matol nhi karte seedha bata deti hu kon asli hai aur kon nakli.(asli/nakli)
Abhi jyada acchese samajh rahe honge aap. Per itna kon sonchta hai aapko aisa lagega per mere jaise jo gaheri sonch rakhne wali bhi prajati hai is duniya me wo aisa sonchte hain.

Chalo mere bolne se shayad aapke mastishk me bhi ab yeh vichaar utpanna ho rahe honge, ab aap meri baat acchese samajh paoge.

Yeh vichaar mere mastichk aur mann me teen saal pahele utpanna hua. Maine soncha itne logon ke bheed me kon mera apna hai. Maine dheere dheere ek ek insaan ko is pariksha me shamil kiya jo mere apne hai.
Uske upar maine dhyan dena shuru kar diya. Ek ek karke mai un logon ka abhyaas karne lagi, ya aisa keh sakte hai unki saari harkaton ko dhyanpurwak nihaarne lagi.
Jo nishkarsh aaya wo safalta bhara nhi tha per sacchai se bhara safed ujyale ki tarah saaf tha. Sab mujhe saaf saaf najar aane laga tha, dukh hua per sacchhai ti hasil ho chuki thi, mai mere prashno ka uttar dhoond chuki thi.

Jab uttar mila tab apno ki bheed hat chuki thi, prashna ka uttar saaf saaf najar aane laga tha, khuli aanko me ek tasveer maano video ki tarah mere aankho ke saamne chalne lagi thi, itne saare logon me bas ek hi mujhe mila tha. Wo koi aur nhi bas meri MAA thi jo bina kisi ummid ke mere saath thi, pareshaniyon, dukhon me mere aage aur khushi me mere saath khadi thi.

Mai aisa nhi keh rahi sab nakli hai per meri MAA jitna koi bhi asli nhi hai mere jeevan me. Kuch logon ke saath ye haath do wo haath lo aisa rishta hai.
Jaise mai unsab se pyaar karungi care karungi to mujhe bhi badle me pyaar care milegi. Kuch is tarah.....

Per meri MAA ke saath aisa nhi hai mai gussa kar lo, lad lo, kuch bhi kar lo badle me mujhe bad pyaar aur care hi milti hai.