Hi blurt parivaar,
Kaise hai aap sab,
Aasha karti hu sab theek honge, badhiya honge, mast honge, majeme honge.
Mai kafi dino se sonch rahi thi ki har doosre ya teesre din mujhe upma banana padta hai to kyuna uska primix banakar rakhloon. Jisse mujhe subah jyadi mehnat na karni pade aur phatak se ban bhi jaaye.
Har din sonchti aur bhool jaati. Aaj subah phirse mujhe yaad aaya to mai yaad aate hi banane me lag gayi.
Sabse pahele maine suji ko thoda tail daalkar acchese bhoon liya.
Ab usi kadhai me phirse tail daala, tail garm hone ke baad usme raai, jeera daal diya jaise hi wo tadakne laga usme chane ki daal daali, uske baad kati hui harimirch, phalli ke beenj, kata hua gajar aur kotmir daali. Sabko bhoonkar usme bhonni hui sooji milakar phirse teen se chaar miniute ke liye bhoona. Thanda hone par ek dibbe me nikaal kar rakh diya.
Merepaas maash ki daal aur kari patta nhi tha isliye nhi daala, agar aap bana rahe ho to aap jarur daaliye.
