Hi blurt parivaar,
Kaise ho aap sab,
Aasha karti hu sab thik honge.
Peechle kuch dinose mere dadi ki tabiyat kharab chal rahi thi.Ham sab unko tabiyat ka haal chal phone call dwara prapt kar rahe thy. jabtak mil nhi lete tab tak dil ko sukoon mehsoos nhi ho raha tha. Per iske alawa mere paas koi paryaay hi nhi tha. Bas mai unke liye dua mang rahi thi.
Dadi ko hospital se lane ke 2 din baad dapaher ke samay mujhe meri bahen ka call aaya. Mera mann nhi tha baat karne ka to maine call receive nhi kiya,per chand pal gujarne ke baad mujhe phirse call aaya.
Mai thodasa dar gayi, kyunki maine aur meri bahen ne decide kar ke rakha hua hai ke agar ham boriyat me ya phir aise hi call karenge to sirf ek baar hi karenge,warna koi pareshani ya jaruri baat ho to ek se jyada samay call karenge.
Maine jhat se apna phone uthaya aur bahen ko call kiya. Uski awaz sunte hi mai samajh gai kuch to hua hai. Usne kaha dada ki tabiyat kharab hai unhe Gangakhed wali hospital me nhi le rahe hai,kahin doosre jagah batana padega.
Hamare gaon me hospital nhi hai,isiliye hame hamare taluka yani sub district ko jana padta hai per waha ke doctor ne bhi kahi aur lejaneke liye keh diya tha.sab pareshaan thy. Tab dadaji ko mere gharwalon ne Nanded lejane ka faisla kiya.
Abhi mere dadaji aur dadi ki tabiyat me thoda sudhar hua hai.(Alhamdulillah)
Mujhe gharse pata chala ke woh sab bacchon ko yaad kar rahe hain. Unhone mujhe bhi aaneke liye kaha tha. Safar bahot lamba hone ke karan mai khamosh thi. Kyunki Gulbarbarga se koi direct train hi nhi hai.
Mujhe agar ghar jana hai to teen ghante bas ka safar karte hue Bidar pahonchna padta hai, Bidar se hame hamare taluka tak train chodegi. Aage koi 🛺 auto gaon se bulakar ham gaon pahoncte hai. Aisa hamara lamba safar.
Isi lambe safar ke wajah se mai khamosh thi, pati se kuch nhi keh rahi thi. Merepati poora hafta kaam kar ke thak jate hain to woh Ravivaar ko aaram karne ka try karte hain. Isliye mai unse lejaneke liye nhi keh rahi thi.
Meri khamoshi aur aansu woh 5 dinse dekh rahe thy. Meri takleef ko dekh kar unke dil me rahem aagaya, unhone mujhe lejane ki baat ki. Mai bahot khush hui,per itne kam samay me sab kuch kar pana thoda mushkil tha per namumkin nhi. Sabse pahele train ka ticket book kiya. Ittefaak se hame ticket mil gaye. Hamari subah 9 baje Bidar se train thi. Hamne subah 5 baje ki bas se Bidar jane ka nirnay kiya. Sab tayyari ho chuki thi. Ham sab subsh jaldi tayyar ho gaye. Kahaani me moad aana baki tha. Jab sab sahi chal raha ho to kuch to gadbad mere saatg jarur hoti hai.
Woh gadbad yeh thi ki hamari subah 9 baje wali train late hokar 4 bajne per Bidar pahonchne wali thi.
Hamne apna 5
baje wala plan cancel kar diya aur 10 baje ki bas se ham Bidar ke liye nikal gaye.
Abhi mujhe meri train mil gayi hai, mai train me se hi ye blog post kar rahi hu.
@madarch meri yeh friend bhi travel kar rahi apni chotisi pyaari beti ke saat. Agar aap log travelling blog pasand karte hain, to uska blog bhi jarur dikhiye.