Baccon ki zid

Hi blurt parivaar,
Kaise ho aap sab,
Aasha karti hu sab theek honge, mast honge, badhiya honge.

Mere bacchon ko bahar ka khana kafi pasand hai.
Per ham unhe roz roz bahar ki cheejein nhi dete kabhi hafte me ek baar ya do baar. Kabhi kabhi to poora hafta kuch bahar ka nhi dete, isliye mere ghar me bahar se agar chips ke packet aate haito bacche bade hi khush hote hain.

Pahele to ham bacchon ko biscuits ke alawa kuch bhi nhi dete thy. Jab bhi bacche nani ghar ya dadi ghar jate thy tabhi unhe chips,chocolate jaosi cheejein khane milti thi. Ab bacche paathshala ja rahe hain to waha doosre bacchon ko khata dekh unka bhi man khane ke liye keh raha hai. Bacchon ne ab zid karna shuru kar di hai, isliye majburan yeh sab dilana pad raha hai.

Bacchon ko yeh sab khata dekh mujhe bhi pasand aane lag gaya. Bacche jab bhi yeh laate hain to mere liye bhi alag se lekar aate hain.