Halo mga ka blurt,
Naka inom na ba mo ug Paragis Tea?
Sauna, kini nga sagbot gi bale wala ra nako. Tumban tumban lang ug usahay bunoton ra kay samok labi na sa garden, unya inig ka laya, dagkutan kay mag pa aso inig ka dayon kagabhi-on kay daghan ng lamok mangawas inig ka mga 5:30 sa hapon, dayong kilom kilom.
Sa dihang namalhin na kami ug puyanan dire sa Carcar City, may bag o kong amiga nga akong paga sugo sugo on sama sa pag.pang hawan sa aming palibot para mo minos ang mga lamok ug pag grocery sa among kinahanglan.
Usa ka adlaw ana, nag ka estorya kami na akong ihi hapdi ug sige sige. Iya dayon kong gi ingnan nga mo sulay ug inom ug Paragis Tea. Gi ing nan nako siya, pa kit on ko niya inig luto niya. Mao ng iya kong gi tudloan unsay Paragis, sus, daghana diay namo Paragis naa sa among tugkaran ra.
Daghang among na harvest pagkahuman among gi hashasan gi kuhaan ug mga laya, gi limpyohan ug gi hugasan.
Dayon gi butang sa Kaserola ug gi butangan ug tubig, himabaw lang, ubay ubay ning among gi himo kay duha man us ni hubby mo inom. Tapos, gi pa bukalan hangtod mo yellow yellow na ang tubig.
Pag human, gi pabugnaw ug gi inom namo init init pa gamay. Lami lagi, ang lasa niya murag pinabukalang mais.
Anang gabhi-ona, akong namatikdan daghan na ako ihi unya wala na ko bos awa unya dilina bahong angso akong ihi. So, pagka ugma luto na pod kami. Mga upat ka adlaw among pag inom adlaw adlaw. Puera buyag ug salamat okey na pag ihi namo hubby.
Daghang Salamat sa inyong pagbasa. Hinaut ma try pod ninyo ning Paragis Tea.
Daghang salamat sa pag basa,
@jurich60