An Exciting Travel: "Coming Back Home with my Sister"

Kay nahuman naman ko sa akong tuyo sa mainland Cebu nga pagpa prenatal, padulong nasad ko mo uli sa among lugar sa Camotes Island. Nagdungan mi og uli sa among ika duha nga igsoon ky mobakasyon usa siya sa among lugar tungod kay taas- taas man ang number of days nga wala siyay duty ug naa sad siyay tambongan nga mga okasyon.

Dia na kami sa ticketing booth aron sa paglukat og ticket sa Jomalia Shipping Corporation. Ang ako ra igsoon ang nilinya ug giapilan rako niya paglukat og ticket samtang ako nagbantay sa among mga dala.
Pagkakuha sa among ticket niadto na dayon mi sa terminal.

Kay wala paman ang oras sa pag boarding sa mga pasahero ngadto sa barko, nangaon nalang usa mi og paniudto kay murag gutom naman.

Ug mao ni ang akong gipalit nga paniudto namo ang lamian nga sweet&sour chicken with rice ug giparesan og don machiatos drinks.

Sa paghuman namo og kaon, pagka taud-taud gi announce na dayon ang pag boarding sa mga pasahero ngadto sa barko sa Jomalia Shipping.

Ug nangadto na dayon mi padulong sa barko aron sa pagsakay.

Excited kaayo kami sa akong igsoon sa pag uli labi na kay mabisita nasad niya ang among pamilya labi na ang among pinalanggang amahan.

Ug nakasakay na kami sa barko. Samtang nag byahe nagkalingaw rasad kog pamati og music sa akong cellphone hangtod nga nakatulog kadali.

Salamat sa Ginoo kay safe ra kami nga nakadunggo sa pantalan maski naay kusog-kusog na mga balod tungod sa panahon. 🥰

Ug padulong na kami manganaog sa barko nga among gisakyan. Sa pagkanaog namo nagpaabot na diay ang among sundo.

Ug nag byahe nasad mi padulong sa among lugar nga gipuy.an. Salamat gyud sa Ginoo nga nakaabot ra kami sa among pinuy-anan nga safe and sound.
Ug diri ra kutob. Salamat...! 🥰

Thanks for Your Support