My Prenatal Check up of this Month

Schedule nasad nako sa pag adto sa St. Vincent General Hospital para sa akong prenatal check up ug misulod nako sa ospital para moadto sa clinic sa akong OB GYN doctor.

Wala pay abli ang clinic kay sayo-sayo mako nga niadto, maong ako usang gi lista ang akong pangalan sa papel nga gi post sa secretary sa atubangan sa pultahan para sa first come first served basis. Daghan naman sad diay ang mas nauna nako.

Samtang nagpaabot sa doctor nga moabot nagkalingaw osa ko ug selfie ug pagkahuman sa pila ka mga minutos niabot na gyud tawn ang doctor.🥰

Dia na kami sa sulod sa clinic ni Dr. Beth ug gikuhaan nako sa akong timbang sa secretary ug nagpaabot nga mogawas ang last patient nga gi cater ni doctor Beth para sa akong turno.

Ug mao ni si Dr. Marybeth delos Santos, buotan ug maayo nga OB-GYN. Nangutana siya og unsay akong mga gipamati ug kung ok raba ang akong pagbuntis. Iya kong gipahigda aron sa pagpamati sa heartbeat ug pagsukod sa measurement ni baby. Ug salamat sa Ginoo kay ok ra gihapon ang heartbeat ni baby ug normal rasad daw ang iyang size sa iyang number of months. Ug iya kong ge resitaan para sa congenital anomaly scan nga laboratory nga pagahimuon sa sunod buwan nga panagkita namo.

Pag gawas nako sa clinic niadto nako sa iyang secretary aron sa pagbayad sa consultation ug pagpalit sa upat ka klase na mga vitamins nga gi resita kanako.

Ug nigawas na sa ospital aron mo uli. Samtang naglakaw ko padulong sa atanganan sa mga sakyanan, naka decide ko nga molahos usa sa Basilica Minore del Sto. Niño aron sa pagpanagkot ug pagpasalamat.

Ug dia nako nagsakay padulong sa Basilica Minore del Sto. Niño.

Dia nako sa Sto. Niño, nagpasalamat sa tanan grasya nga nadawat labi na ang gasa sa kinabuhi ug sa umaabot namo nga baby puhon. Nagpasalamat nga ok ra ang akong pag prenatal ug ok ra ang kahimtang ni baby sa akong sabakan. Ug nangaliya nga wa lamang untay mga kakulian ni baby ug sa akong pagpanganak puhon. Ug nga ok ra unta sa kanunay ang akong tibuok pamilya ilabi na ang akong bana ug si tatay.

Ug padulong nako nga mouli nga puno sa kalipay.🥰

Thanks for Your Support