A Joyous and Mouthful Adventure at Baywalk Park

Kay naa man mi gilakaw nga mga important matters didto sa San Fran, pagkahuman sa among mga tuyo naka decide mi nga mohapit sa Sentro sa Pamaligya nga nahimutang sa Baywalk nga anaa sa silinganang lungsod sa San Francisco.

Diri usa mi sa mga namaligya og tempura, fishball, kwek-kwek, hot dog ug uban pa kay pag adto namo sa namaligya og sweet corn wala pa man naka ready pag set up sa iyang pwesto ang tindero kay ang sweet corn raman unta ang among tuyo.😁

Nagpaabot usa mi nga maluto ang among gi order ug pagkaluto niini nangaon na dayon mi. Samtang nangaon nagkalingaw sad og chika chika.

Pagkahuman namo sa tempurahan niadto nasad mi sa namaligya og puto bungbong. Nitan-aw usa mi kung giunsa pagluto ang puto bungbong. Gihimo ra diay kini sa ginaling nga humay ug ubi unya gi mix ug gi tubigan gamay ug gibutang sa kawayan nga hulmahan. Once nga mogawas na ang aso sa baba sa kawayan it means nga hapit na kni maluto ug pwede na kining haunon. Pgkahuman haon gibalhin nasad sa streamer ug gi steam kadali.

Pagkaluto gihaon na dayon ug gibutang sa sudlanan nga hinimo sa styrofoam.

Ug gibutangan na dayon og grated cheese ug condensed milk nga maoy nakapasamot sa kalami.

Kay wala paman sila nakasuway kaon og puto bungbong, maong nag order nasad ko. Ug dia nasad nagkaon nasad mi og lamian nga puto bungbong.

And lastly, dia nasad mi sa namaligya og sweet corn. Kay wa paman gihapon nahuman og andam ang tindero sa lutoonon kay wa pa nahuman og lubo sa lutoonon, gitabangan nalang nila sa ako igsoon ug pag umangkon paglubo ang tindero. Nalipay ug nalingaw rasad ang tindero kay samtang naglubo nag chika chika mansad. Ug kana pa dali ra kaayong nahuman.

Paghuman og lubo, gilunod na dayon kini sa nagbukal na tubig ug after sa pila ka minutos naluto na dayon kini ug gihaon.

Pagkahaon, nagtakos na dayon ang tindero sa among gi order, gisulod sa disposable glass ug gibutangan og condensed milk ug cheese powder.

Ug dia ra ang among sweet corn, nangaon nasad mi sa lamian nga sweet corn. Purya buyag garabi gyud nuon busoga! 😄
Salamat kaayo sa Ginoo sa mga grasya nga nadawat.🥰

Thanks for Your Support