Eating Star Apple

Hello maayong adlaw kanatong tanan!
Sugod nagyud ang summer, init na kaayo ang panahon,basta summer mao pud kaayo ang daghan ug masakit sama sa;ubo ug hilanat.

Kaila bamu ani nga klase sa prutas? Caimito man ang tawag ani nga prutasa sa amoang probinsya!


Season pud karon ani nga klase sa prutas, basta summer kani gyud nga prutas ang usa sa mo dagsa ug daghan baligya diri sa syudad.

Since naa man mi diri sa syudad aw matic perti mahala sa kilo ani, tag 50 pesos ang kilo, unya ang sulod sa 1 kilo kay 10 ra kabuok,pero ug sa among probinsya pani,libre ra kaayo didto unya matagbaw pagyud tag kaon tungod sa kadaghan bunga sa punoan.

Speaking of province, sus makahinumdom ko saunang panahon sa kabataan nako nga basta ting caimito gani,kada uli namu sa skwelahan kauban akong mga ig-agaw,adto gyud dayon mi mangambayot/mangatkat sa punoan sa caimito, mahibung nalang gud among parents nganung hapit ngitngit nami maabot sa balay,amoa pa gyud ilaron sauna nga nadugay mi ug uli kay gipa limpyo pami sa maestra ug gipa bisbis sa among garden, pero sakpan ra gihapon kay ang among baba/wa-et kay naa may tagok sa caimito unya among bag napuno ug caimito sa sulod...aw matic kusnitan ang buganan hahaha.

Lingaw pa kaayo ni nga pagka palita nako kay nag ilogay mi sa akong anak nga lalaki,pwera buyag tam-is man gud kaayo ang napalit nako nga caimito,unya kani laging gamay ra kaayo unya gagmay pagyud dili gyud ta matagbaw intawon ug kaon,makuwangan gyud,ang resulta nag ilogay...

Akong anak ika duha pani ka higayon nga nka kaon ug caimito, first niya nkatilaw ani didto sa amo sa probinsya sa camotes, didto sa lugar sa akong husband sa poro dapit, atubangan sa ilang balay naa may dakong punoan sa caimito didto,unya sa may unahan sa ilaha naa pud didto,tagbawan gyud ug kaon basta makauli mi ug probinsya.

Kaning caimito pud kay murag duha ni ka variety kaning green ang panit ug katong violet,katong violet gyud maoy pinaka tam-is nga klase sa caimito, talagsa rapud kaayo sa probinsya ang naay violet,lahi ra sa green nga daghan kaayo kay ang uban gani punoan naa ra mabuhi sa kabukiran ug lasang kay sauna basta manguha kami ug kahoy sa bukid nga dapit,naa may daghan kaayo ounoan sa caimito nga among makit.an.

Ang idea pud ani sa uban labi na diri sa syudad kay ilahang e lamaw,(lamaw nga caimito) kayuron ra sa kutsara iyahang unod unya butangan ug doreen ug ice aw sulbad na ang ka uhaw, since then,one time rapud ko nakasuway ug kaon sa lamaw nga caimito kay sauna nag skwela pa kami ug elementary wala man tawon nauso ang lamaw- lamaw kay lage mahal tawon kaayo ang doreen dili mka afford ang ginikanan, maong ari ragyud mi sa kuha sa punoan unya largo kaon inig human.

Nakatilaw ko ug gi lamaw kay buntis ko ato sa akong anak nga babae,didto pako nka realize nga mas molami pa diay ang caimito basta sagulan ug doreen unya ice hehe.

That's all for today's blog!