I some beautiful photography of mustard flowers and wheat
بسم اللہ الرحمن الرحیم
شروع کرتا ہوں اللہ کے بابرکت نام سے جو بڑا مہربان اور نہایت رحم کرنے والا ہے۔
اسلام علیکم
پیارے دوستو میں خیریت سے ہوں اور آپ کی خیریت کے لیے خداوند کریم سے دعا گو ہوں۔مجھے امید ہے کہ آپ سب لوگ خیریت سے ہوں گے اور آپنی زندگی ہنسی خوشی گزار رہے ہوں گے۔ اور سردی کے موسم کو خوب انجوائے کر رہے ہوں گے۔ میری دعا ہے کہ آپ سب لوگ ہمیشہ خوش رہیں اللہ پاک آپ کی پریشانیوں کو دور فرمائے اور بیماروں کو صحت کاملہ عطا فرمائے۔
سرسوں کے پھول
جیسا کہ آپ سب جانتے ہیں کہ اس وقت ہمارے ملک پاکستان میں سردیوں کا موسم چل رہا ہے اور سردیوں کے موسم ہمارے ملک میں بڑے پیمانے پر سرسوں کی کاشت کی جاتی ہے جو کہ سبز چارے کے طور پر بھی استعمال کی جاتی ہے اور اس کے علاؤہ فصل تیار ہونے پر سرسوں کا تیل بھی نکالا جاتا ہے اور ملکی سطح پر اس سے زرمبادلہ بھی کمایا جاتا ہے۔
آج میں اپ کو اپنی سرسوں کی فصل کی اور اس کے پھولوں کی چند تصویریں دکھاؤں گا جو کہ میں نے اپنے گاؤں میں کاشت کی ہوئی ہے اور اس وقت اس میں تقریباً پھول نکل آئے ہیں۔اور بارش کے بعد اس کی بڑھوتری میں بہت زبردست اضافہ ہؤا ہے۔
گندم کی فصل
آج میں آپ کو اپنی گندم کی فصل چند تصویریں دکھاؤں گا جو کہ میں نے اپنے گاؤں میں کاشت کی ہوئی ہے۔ہماری گندم کی فصل ماشاءاللہ بہت زبردست ہے اور ہمارے گاؤں میں تقریبا نوے فیصد لوگ گندم کاشت کرتے ہیں جو کہ گندم کی فصل سے اچھی خاصی رقم کماتے ہیں اور اس کا بھوسہ اپنے جانوروں کو گھاس میں ملا کر کھلاتے ہیں اور اضافی بھوسہ بھی فروخت کر دیتے ہیں گندم ہمارے ملک پاکستان میں بہت زیادہ ہوتی ہے۔اور اس وقت گندم کی فصل عروج پر ہے کیونکہ اس بار ہمارے پورے ملک میں بروقت بڑی زبردست بارش ہوئی ہے۔اور آپ دعا کریں کہ اللہ پاک ہماری فصل کو خیر وعافیت سے تیار کرے۔امین۔
