Hi blurt parivaar,
Kaise ho aap sab,
Aasha karti hu sab theek honge.
Aaj ravivaar ka din. Mujhe aaj bahot kaam tha. Maine do din se sonch ker rakha tha, ke ravivaar ko pati ke liye neem ke patton ka ras banaungi peene ke liye.
Neem ek aayurvedic vanaspati hai. Mere pati ko kuch twacha sambandhi pareshaniya ho rahi hai, isliye maine neem ka upyog karne ke liye soncha.
Ravivaar hone ke karan mai subah derse uthi. Isilye mujhe kaam me deri hogayi. Mai chahati to saari sonchi hui chhejein radda kar sakti thi. Per maine waisa nhi kiya kyunki poora hafta phir mujhe intejaar karna padta.
Der se hi sahi maine neem ke patte laneka vichar apne pati se wyakta kiya aur ham nikal gaye neem vraksha ki talaash me. Hame hamare gali me hi kuch aage janeper neem ke vraksha mile. Per har ped ke patton per keeda laga hua tha. Hamne 5 se 6 ped dekhe per sab waise hi thy. Yeh patte hame peene ke liye nhi lena chahiye aisa mujhe lag raha tha to maine yeh patte nhi liye. Ham waha se aage bad gaye.
Kuch der aage jane per mujhe dikha ke log neem ke ped ko tood rahe hai. "Kunwa pyase ke paas aagya" usi prakaar hamare saath bhi hua.
To phir kya tha hamne gaadi rukai. Maine waha neem ki chhal ekattha karna shuru ki. Patte to kahi bhi miljate per chaal milna mushkil hai. Maine chaal aur patte ekattha ker ke ghar laye.
Chaal ka upri kaala wala hissa nikaal ker andar ka safed bhaag alag kiya. Use pasni ki sahayata se acchi tarah dho liya.
Bade patile me 3 glass paani daalka us chaal ke saath khoob deer tak pakaya jisse ke 1 glass pani bache.
Us paani ko thanda hone diya. Bane hue kadhe ko pati aur bacchon ko pilaya.
Ye sehet k liye faeda mand to bohot lag raha he par zaban k liye bilkul bhi mazedar nahi lag raha 🥴